CONCLUSIÓNS FINAIS

Neste apartado do traballo exporemos as conclusións obtidas durante toda a realización do mesmo, así como o xeito en que cambiou a nosa opinión sobre o Islam. Nalgunhas conclusións aportaremos gráficos para ter unha comprensión máis visual da reflexión exposta.

CONCLUSIÓNS

As dúas persoas que entrevistamos defenden a bondade da outra relixión, e insisten en todo o que teñen en común. Chama a atención que a única diferenza que destacan sexa algo tan pequeno e con pouca relevancia práctica como é o estatus que lle outorgan a Xesús.

Os dous afirman que a maioría dos musulmáns son pacíficos e detestan o terrorismo, o que contrasta coas enquisas, que sinalan como unha parte moi importante dos enquisados relaciona islam con terrorismo. 

Ambos defenden tamén que o cristianismo tamén ten persoas fanáticas e violentas, e que no pasado isto manifestouse nas Cruzadas, na expulsión dos musulmáns, xudeus... da Península no reinado dos Reis Católicos e na Inquisición.  

Por outra banda, grande parte da mostra da enquisa considera que ateísmo é igual a progreso, e nós tamén cremos que unha sociedade na que unha soa relixión non teña un peso demasiado importante nin demasiado poder, permite avanzar mellor e permitir a convivencia de distintas crenzas e aproveitar cousas boas de moitas culturas. 

Nas gráficas pódese observar a asociación dos adxectivos de carácter positivo ao cristianismo e os negativos ao Islam, e no caso das actitudes persoais o cristianismo ten unha gran porcentaxe de respostas de carácter positivo e no Islam de carácter negativo. Cremos que isto contrasta cos entrevistados, que tratan as dúas relixións e ao resto por igual. 

As respostas das enquisas amosan, nunha maioría, que a influencia islámica na Península non é vista con connotacións negativas ou mesmo é vista positivamente, o que concorda coas entrevistas que insisten en que a influencia é boa. No caso de Galiza, na enquisa exponse que o islam tivo menos influencia que no resto da Península, o que contrasta coas entrevistas que expoñen que a influencia é bastante homoxénea.      

CONCLUSIÓNS CON GRÁFICOS

A maioría dos enquisados cunha mellor nota de historia teñen unhas opinións máis positivas cara aos integrantes da relixión islámica. Os que teñen unhas notas non tan boas, tenden a valorar mal os musulmáns. Coma é posíbel imaxinarse, as notas medias teñen maioritariamente unha opinión neutra. Isto lévanos a concluír que o estudo da historia axuda a combater os prexuízos e a mellorar a convivencia.   

Os enquisados de ideloxías de dereita teñen opinións máis negativas cara ao islam mentres que os de ideoloxías de esquerda teñen unha opinión máis favorable. O apartado NS/NC ten unha clara maioría de centro.  

A porcentaxe de “Non relixiosos” superou claramente a metade nas tres posibilidades de resposta. Independentemente disto, unha elevada porcentaxe de católicos pensan que os musulmáns non atentan contra outras relixións. Algo máis repartido en "Non sabe/Non contesta". E unha porcentaxe principalmente católica en "Si, atentan".  

Os enquisados de esquerda, arredor do 50%, din que o islam non atenta contra outras relixións, mentres que os enquisados de dereita din, na súa maioría que si que atenta, en torno ao 45%. Os NS/NC con respostas irregulares dende o 10% das respostas ata o 80% situados principalmente no centro. 

Os non relixiosos teñen as respostas arredor dos 65% excepto na franxa dos máis de 60 anos. Os católicos teñen respostas máis irregulares, do 12% ata o 30%, ademáis do 100% na franxa de máis de 60 anos. Os agnóticos mantéñense nunha minoría, en xeral, mentres que os NC só teñen respostas entre os 11 e os 17 anos.  

Maioritariamente, os enquisados máis políticamente de esquerdas, considéranse non relixiosos. Pode observarse que, canto máis convicción relixiosa, máis inclinados cara a dereita tenden a estar. Deducimos disto que a política afecta de diferentes formas a moitos aspectos da sociedade.

CAMBIOS DE OPINIÓN A NIVEL GRUPAL

En xeral, a nosa opinión sobre o islam foi cambiando gradual e significativamente conforme fomos avanzando na investigación. Inicialmente todos tiñamos certos prexuízos cara ao Islam e certo descoñecemento, pero, estamos moi orgullosos e satisfeitos de expresar que, independentemente da incorporación de coñecementos, que foron moitos, pensamos que desapareceron todos os nosos prexuízos. E por que? Como todo nesta vida, precísase coñecer as cousas para poder varolaras, aquí temos a proba. Unha razón máis para reforzar a evidencia. 

Isto non é o principio do fin, é o fin do principio. W. CHURCHILL.